भोजपुरी गीत: करिया चश्मा लगाके गोरिया

करिया चश्मा लगा के गोरिया, चढल टरेनिया में। देखि खून के दौड़ा तेज भईल, लैकन के धमनियां में। बाराबंकी से बईठल ऊ, बिन साथी संगतिया। स्लीपर वाला कोच रहे और, गाड़ी साबरमतिया। होठवा पर स्माइल लिहले, हथवा में मोबाइल अपना बार के लट सुलझा के, मारत बा स्टाइल। आइल रहल बसंत महिनवा, उनका जवनियां में। देखि खून के दौड़ा................... गलिया पर करिया तिल वाली, गोर सुरतिया सोहे। कान में बाली, होठ पे लाली, सबके मनवा मोहे। जीन्स पेंट और टॉप पहिनके, गोरिया मॉडल लागै। TC बाबू टिकट न मांगै, आंख सेक के भागैं। मांगै सब मोबाइल नंबर, गिरके चरनिया में। देखि खून के दौड़ा.......... ट्रेन सफर आसान भईल जब उनसे मिलल नज़रिया। ऊ रहली बदलापुर वाली, हम तो मालीपुरिया। दिल के हाल सुनावे खातिर, जैसे नियरा गईली। ऊ इंस्पेक्टर पति के अपना, तुरते फोन लगइली ट्विस्ट नया ऊ ला दिहली ई, प्रेम कहनियां में। देखि खून के दौड़ा.......... ---